Announcements

Դեկտեմբերի 12-13-ին Երևանում կայանալիք  «Ընդդեմ ցեղասպանության հանցագործության»    4-րդ Գլոբալ ֆորումի լուսաբանման համար լրատվամիջոցների ներկայացուցիչներին մինչև դեկտեմբերի 9-ը անհրաժեշտ է հավատարմագրում անցնել ՀՀ ԱԳՆ-ում` media@mfa.am հասցեին ուղարկելով հետևյալ տեղեկատվությունը.

• Լրատվամիջոցի անվանումը,

• Լրատվամիջոցի ներկայացուցչի անուն-ազգանունը և պաշտոնը (հայերեն և անգլերեն տարբերակներով),

• Անձնագրի կամ անձը հաստատող այլ փաստաթղթի լուսապատճենը (․pdf կամ ․jpg ձևաչափով),

• Լուսանկար (․jpg ձևաչափով, օգտագործվելու է հավատարմաքարտի համար),

• ՀՀ ԱԳՆ լրատվության և հանրային դիվանագիտության վարչությանը հասցեագրված նամակ` լրատվամիջոցի ղեկավարի կամ գլխավոր խմբագրի ստորագրությամբ և կնիքով (․pdf ձևաչափով)։

Լրատվամիջոցների այն ներկայացուցիչները, ովքեր ունեն ՀՀ ԱԳՆ 2022թ.-ի հավատարմագրում, media@mfa.am հասցեին ուղարկված նամակում կարող են նշել արդեն հավատարմագրված լինելու հանգամանքը և ուղարկել միայն հետևյալ տեղեկատվությունը.

• Լրատվամիջոցի անվանումը,

• Լրատվամիջոցի ներկայացուցչի անուն-ազգանունը (հայերեն և ռուսերեն տարբերակներով),

• Լուսանկար (․jpg ձևաչափով)։

Հավատարմագրված լրագրողներին կհատկացվեն դեղին հիմնագույնի հավատարմաքարտ՝ «PRESS» տարբերիչ նշումով, որը հնարավորություն է տալիս մուտք ունենալ մամուլի կենտրոն։

Խնդրում ենք էլեկտրոնային նամակի «Թեմա» բաժնում նշել «Գլոբալ ֆորում»:

Վերջնաժամկետից ուշ ներկայացված և վերոնշյալ չափանիշները չբավարարող դիմումները չեն դիտարկվելու:

Լրացուցիչ հարցերի դեպքում կարող եք զանգահարել ՀՀ ԱԳՆ լրատվության և հանրային դիվանագիտության վարչության աշխատակիցներին․

հեռ.՝ +374 60 620 208

հեռ․՝ +374 60 620 206

էլ. փոստ` media@mfa.am